Web Desk മടിക്കൈ: കാഞ്ഞങ്ങാട് ഡിവൈഎസ്പി ബാബു പെരിങ്ങേത്തിന്റെ നേതൃത്വത്തിൽ നടത്തിയ പരിശോധനയിൽ മടിക്കൈ പഞ്ചായത്തിലെ കൊരങ്ങനാടിയിൽ വൻ മണൽ കടത്ത് കേന്ദ്രം കണ്ടെത്തി. പഞ്ചായത്ത്, റവന്യൂ അധികൃതരുടെ ഒത്താശയോടെ ഏക്കർ കണക്കിന് സ്ഥലത്തുനിന്നാണ് വൻതോതിൽ മണൽ കടത്ത് നടത്തുന്നത്. പരിസ്ഥിതി ആഘാതമേൽപ്പിച്ചു കൊണ്ടാണ് കുന്നിടിച്ച് ആഴത്തിൽ മണൽ കടത്തുന്നത് ഇത് സംബന്ധിച്ച് പരിസ്ഥിതി പ്രവർത്തകർ പ്രതിഷേധമായി രംഗത്ത് വന്നെങ്കിലും അധികൃതർ മുഖവിലക്കെടുത്തില്ല തുടർന്നു നാട്ടുകാർ കാഞ്ഞങ്ങാട് ഡിവൈഎസ്പിക്ക് പരാതി നൽകുകയായിരുന്നു. പരാതിയുടെ അടിസ്ഥാനത്തിൽ ഡിവൈഎസ്പി നിർത്തിയ പരിശോധനയിലാണ് മണൽ കടത്ത്കേന്ദ്രം കണ്ടെത്തിയത്. ഇതേതുടർന്ന് ഡിവൈഎസ്പി റവന്യൂ അധികൃതർക്ക് റിപ്പോർട്ട് നൽകി.
