Web Desk 
നാദാപുരം: കെഎസ്ആര്‍ടിസി ബസും സ്വകാര്യ ബസും കൂട്ടിയിടിച്ച് വിദ്യാര്‍ഥികള്‍ ഉള്‍പെടെ നിരവധി പേർക്ക് പരിക്കേറ്റു. ഇന്ന് രാവിലെ ഏഴ് മണിയോടെ കക്കം വെള്ളി നാദാപുരം സഹകരണ ബേങ്കിന് മുൻവശത്തെ സംസ്ഥാന പാതയിലാണ് അപകടം.
പരിക്കേറ്റവരെ മെഡിക്കൽ കോളജ്, വടകര താലൂക്ക് ആശുപത്രി,
നാദാപുരം ഗവ താലൂക്ക് ആശുപത്രി, വിവിധ സ്വകാര്യ ആശുപത്രികളിലും
പ്രവേശിപ്പിച്ചു. അഗ്നിരക്ഷാ സേന എത്തിയാണ് അപകടത്തില്‍ ബസില്‍ കുടുങ്ങിയ കെഎസ്ആര്‍ടിസി ഡ്രൈവറെ രക്ഷപ്പെടുത്തിയത്.
കൈവേലിയില്‍ നിന്ന് ഗുരുവായൂരേക്ക് പോവുകയായിരുന്ന കെഎസ്ആര്‍ടിസി ബസും വടകര നിന്ന് നാദാപുരം ഭാഗത്തേക്ക് വരികയായിരുന്ന സ്വകാര്യ ബസുമാണ് കൂട്ടിയിടിച്ചത്. അപകടം നടന്ന സ്ഥലത്തെ സിസിടിവി ദൃശ്യങ്ങൾ പോലീസ് പരിശോധനക്ക് എടുത്തു. ചേലക്കാട് നിന്നെത്തിയ ഫയര്‍ഫോഴ്‌സും, നാട്ടുകാർ സ്ഥലത്തുണ്ടായിരുന്നവരും, ഓട്ടോഡ്രൈവര്‍മാരും പോലീസും രക്ഷാപ്രവര്‍ത്തനത്തില്‍ ഏര്‍പെട്ടു. പരിക്കേറ്റവരില്‍ കൂടുതലും സ്‌കൂള്‍ വിദ്യാര്‍ഥികളാണ്.
Related Posts:
