Web Desk 
കാഞ്ഞങ്ങാട്: ട്രാൻസ്പോർട്ട് കമ്മീഷണറുടെ ഉത്തരവ് പ്രകാരം ഡ്രൈവിംഗ് സ്കൂളുകൾ പരിശീലനത്തിന് ഉപയോഗിക്കുന്ന വാഹനങ്ങൾക്ക് ബോണറ്റ് നമ്പർ ഉണ്ടായിരിക്കണമെന്ന് നിഷ്കർഷിച്ചിരുന്നു. അനധികൃതമായി വാഹനത്തിൽ രൂപമാറ്റം വരുത്തി ഡ്രൈവിംഗ് പരിശീലനം നടത്തുന്നത് തടയുന്നതിനും ഡ്രൈവിംഗ് സ്കൂൾ വാഹനങ്ങൾ തിരിച്ചറിയുന്നതിനും ബോണറ്റ് നമ്പർ ഉപകരിക്കും. കാഞ്ഞങ്ങാട് സബ് ആർ ടി ഓഫീസിൻ പരിധിയിലുള്ള വാഹനങ്ങൾക്ക് ഉള്ള ബോണറ്റ് നമ്പർ വിതരണം കാസറഗോഡ് ആർ ടി ഒ. ജി എസ് സജി പ്രസാദ് ഉദ്ഘാടനം ചെയ്തു. ജോ: ആർടിഒ സിഎസ് സന്തോഷ് കുമാർ, മോട്ടോർ വെഹിക്കിൾ ഇൻസ്പെക്ടർമാരായ എം വിജയൻ ,കെ വി. ജയൻ ,അസി. മോട്ടോർ വെഹിക്കിൾ ഇൻസ്പെകടർമാരായ വി.ജെ സാജു, പ്രവീൺ കുമാർ എന്നിവർ പങ്കെടുത്തു.
