Web Desk 11 നിറങ്ങൾ,13 രൂപങ്ങൾ, 18 പച്ചക്കറികളുടെ പേരുകൾ എന്നുവേണ്ട ചോദിക്കുന്ന ഏത് ചോദ്യത്തിനും കൃത്യമായ മറുപടി പറയുന്ന രണ്ടുവയസ്സും പത്തുമാസവും പ്രായമുള്ള കുട്ടി ഇന്ത്യ ബുക്സ് ഓഫ് റെക്കോർഡിൽ ഇടം നേടി. പെരിയ കാവുങ്കാൽ വീട്ടിൽ അക്ഷയ് യുടെയും അനുപമയുടെയും മകനുമായ ആര്യൻ അക്ഷയ് ആണ് ഈ അപൂർവ്വ നേട്ടം സ്വന്തമാക്കിയത്. 21 പഴങ്ങൾ,ശരീരത്തിലെ എട്ടു ഭാഗങ്ങൾ, എട്ടു ഗ്രഹങ്ങൾ, ആഴ്ചയിലെ ദിവസങ്ങൾ, ഇംഗ്ലീഷ് അക്ഷരമാല യും അനുബന്ധ പദങ്ങളും, 1 മുതൽ 50 വരെയുള്ള സംഖ്യകൾ എന്നിവ ആരുടേയും സഹായമില്ലാതെ ഈ കൊച്ചു മിടുക്കൻ പറയും. ദേശീയ ഗാനവും ഈ കൊച്ചു മിടുക്കന് മനഃ പാഠമാണ്. ഈ കഴിവുകൾ പരിഗണിച്ചു കൊണ്ടാണ് ഇന്ത്യ ബുക്സ് ഓഫ് റെക്കോർഡിൽ ഇടം നേടിയത്. പനയാൽ കിഴക്കേക്കരയിലെ കൃഷ്ണന്റെയും അനിതയുടെയും കൊച്ചുമകൻ ആണ് ആര്യൻ.
