നീലേശ്വരത്ത് മാരക മയക്കുമരുന്നുമായി യുവാവ് അറസ്റ്റിൽ

നീലേശ്വരം: മാരക മയക്കുമരുന്നായ എംഡി എം എയുമായി യുവാവിനെ നീലേശ്വരം പോലീസ് അറസ്റ്റ് ചെയ്തു. പടന്നക്കാട് സ്വദേശി കൂമൻ വിഷ്ണുവിനെയാണ് ഇന്ന് രാവിലെ എസ്ഐമാരായ അരുൺ മോഹൻ , കെ വി രതീഷ് എന്നിവരുടെ നേതൃത്വത്തിൽ നീലേശ്വരം പോലീസും ഡിവൈഎസ്പിയുടെ സ്പെഷൽ സ്ക്വാഡും ചേർന്ന് അറസ്റ്റ് ചെയ്തത്. രഹസ്യ വിവര ലഭിച്ചതിന്റെ അടിസ്ഥാനത്തിൽ ഇന്ന് രാവിലെ നീലേശ്വരം റെയിൽവേ സ്റ്റേഷൻ പരിസരത്തുനിന്നുമാണ് ഇയാളെ അറസ്റ്റ് ചെയ്തത്. ഡിവൈഎസ്പിയുടെ സ്ക്വാഡിലെ, അബൂബക്കർ കല്ലായി, സജീഷ്, നിഖിൽ നീലേശ്വരം പോലീസ് സ്റ്റേഷനിലെ പോലീസ് ഉദ്യോഗസ്ഥരായ ദിലീഷ് പള്ളിക്കൈ, രമേശൻ , മഹേഷ്, സഞ്ജിത്ത് അജിത്ത് എന്നിവരും എം ഡി എം എ പിടികൂടിയ സംഘത്തിൽ ഉണ്ടായിരുന്നു.