Web Desk 
ഉദുമ കാപ്പിൽ ബേക്കൽ താജ് റിസോർട്ടിൽ താമസക്കാരായ യുവ ദമ്പതികളുടെ 7 ലക്ഷത്തിന്റെ ഡയമണ്ട് പതിച്ച സ്വർണാഭരണങ്ങൾ കവർന്നു. ബ്രിഹാൻ മുംബൈയിലെ ദാദർ വെസ്റ്റിലെ പോർച്ചുഗീസ് പള്ളിക്കു സമീപത്തെ നിഖിൽ പ്രശാന്ത് ഷായുടെ ഭാര്യയുടെ ഡയമണ്ട് പതിച്ച നാല് സ്വർണ്ണ മോതിരങ്ങളാണ് റിസോർട്ടിൽ വച്ച് മോഷണം പോയത്. ഷായുടെ ഭാര്യ കുളിക്കുന്നതിനിടയിൽ ശുചിമുറിയിൽ വച്ച് മറന്നതാണ് ആഭരണങ്ങൾ. ഇവർ പിന്നീട് മറ്റൊരു മുറിയിലേക്ക് താമസം മാറിയപ്പോഴാണ് ശുചുമറിയിൽ ആഭരണങ്ങൾ മറന്ന് വെച്ചതായി ഓർമ്മ വന്നത്. ഇത് എടുക്കാൻ ചെന്നപ്പോൾ മോഷണം പോയതായാണ് അറിഞ്ഞത്. റിസോർട്ടിലെ ശുചീകരണ തൊഴിലാളികളാണ് മോഷണത്തിന് പിന്നിലെന്നു ബേക്കൽ പോലീസിൽ ന ൽകിയ പരാതിയിൽ പറയുന്നു. ബേക്കൽ പോലീസ് കേസെടുത്തു അന്വേഷണം ആരംഭിച്ചു.
