Web Desk 
ദേശീയപാത നവീകരണത്തിന്റെ ഭാഗമായി നീലേശ്വരം മാർക്കറ്റ് ജംഗ്ഷനിൽ അടിപ്പാതയുടെ നിർമ്മാണം തുടങ്ങി. ഇവിടെ ആകാശപാത നിർമിക്കണമെന്ന് ആവശ്യപ്പെട്ട് യുഡിഎഫും എൽഡിഎഫും ഉൾപ്പെടെ സർവകക്ഷി സംഘം പ്രക്ഷോഭം നടത്തിയിട്ടും ഈ ആവശ്യം അംഗീകരിക്കാൻ അധികൃതർ തയ്യാറായിരുന്നില്ല. മുഖ്യമന്ത്രി, കേന്ദ്ര പൊതുമരാമത്ത് വകുപ്പ് മന്ത്രി, ദേശീയപാത അതോറിറ്റി ഉന്നതർ തുടങ്ങിയവർക്കെല്ലാം സർവകക്ഷി സംഘം നേരിൽ കണ്ട് നിവേദനം നൽകിയിട്ടും ഇക്കാര്യത്തിൽ തീർപ്പുണ്ടാക്കാൻ കഴിഞ്ഞിരുന്നില്ല. ഇതിനായി സമ്മർദ്ദം ചെലുത്തിക്കൊണ്ടിരിക്കെ യാണ് ആ പ്രതീക്ഷയും അസ്ഥാനത്താക്കിക്കൊണ്ട് മാർക്കറ്റ് ജംഗ്ഷനിൽഅടിപ്പാതയുടെ നിർമ്മാണം തുടങ്ങിയത്.
