Web Desk 
ചെറുവത്തൂർ: കോഴിക്കടയിൽ വെച്ച് കാട്ടുപന്നിയിറച്ചി പാചകം ചെയ്യുന്നതിനിടയിൽ രണ്ടുപേരെ കാഞ്ഞങ്ങാട് ഫോറസ്റ്റ് അധികൃതർ പിടികൂടി. ചെറുവത്തൂർ കൊവ്വലിലെ പുതിയ കണ്ടം റോഡിൽ ഹൈവേ ചിക്കൻ സ്റ്റാൾ ഉടമ രാമൻചിറയിലേക്ക് സുരേശൻ (40) സുഹൃത്ത് വടക്കുമ്പാട് അത്തിക്കോത്ത് രഞ്ജിത്ത് കുമാർ (42) എന്നിവരെയാണ് അറസ്റ്റ് ചെയ്തത്. ഇന്നലെ രാത്രി രഹസ്യ വിവരം ലഭിച്ചതിന്റെ അടിസ്ഥാനത്തിൽ ഫോറസ്റ്റ് അധികൃതർ നടത്തിയ മിന്നൽ പരിശോധനയിലാണ് പാചകം ചെയ്യുന്നതിനിടയിൽ. കാട്ടുപന്നി ഇറച്ചിയുമായി ഇരുവരെയും പിടികൂടിയത്. മലയോര മേഖലയിൽ നിന്നും വൻതോതിൽ കാട്ടുപന്നിയിറച്ചി കൊണ്ടുവന്ന് ചെറുവത്തൂരിലും പരിസരങ്ങളിലും വില്പന നടത്തുന്നതായി നേരത്തെ തന്നെ ഫോറസ്റ്റ് വിവരം ലഭിച്ചിരുന്നു.
