Web Desk 
കൊല്ലം കല്ലുവാതുക്കലിൽ സന്തോഷ് കുമാർ (53) ആണ് മരിച്ചത്. റിംഗ്‌ വർക്ക് തൊഴിലാളിയാണ്. തിങ്കളാഴ്ച വൈകുന്നേരമാണ് സംഭവം. പെർള അഡ്യയനടുക്ക ചവർക്കാട് പാറയിൽ മൊയ്തീൻകുഞ്ഞി എന്നയാളുടെ വീട്ടുകിണറ്റിലാണ് പൂച്ച വീണത്. വിവരമറിഞ്ഞ് സ്ഥലത്തെത്തിയ സന്തോഷ് കുമാർ കിണറ്റിൽ ഇറങ്ങി പൂച്ചയെ രക്ഷിച്ച ശേഷം കയറിൽ തൂങ്ങി മുകളിലേക്ക് കയറുന്നതിനിടയിലാണ് അപകടത്തിൽപ്പെട്ടത്. വിവരമറിഞ്ഞ് എത്തിയ കാസർഗോഡ്, ഉപ്പള എന്നിവിടങ്ങളിൽ നിന്നുള്ള ഫയർഫോഴ്സ് ആണ് സന്തോഷ് കുമാറിനെ പുറത്തെടുത്തത്. ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
അമ്മ : കമലമ്മ. ഭാര്യ ലേഖ. മക്കൾ: ശരത്, ശരൺ. സഹോദരങ്ങൾ കുമാർ, സുഭാഷ്, ഗീത
