Web Desk 
ചെറുവത്തൂർ:അമിഞ്ഞിക്കോട് അഴീക്കോടൻ സ്മാരക വായനശാല & ഗ്രന്ഥാലയം വനിതാ വിഭാഗവും കുടുംബശ്രീ എ ഡി എസ്സും സംയുക്തമായി സാർവ്വദേശീയ വനിതാ ദിനത്തിന്റെ ഭാഗമായി ” തൊഴിൽ ഇടങ്ങളിൽ സ്ത്രീകൾക്ക് നേരെ നടക്കുന്ന അതിക്രമങ്ങളും സ്ത്രീകൾക്കുണ്ടാകുന്ന മാനസിക സംഘർഷങ്ങളും ” എന്ന വിഷയത്തിൽ സെമിനാർ സംഘടിപ്പിച്ചു. കാഞ്ഞങ്ങാട് നഗരസഭ ചെയർ പേഴ്സൺ കെ.വി. സുജാത സെമിനാർ ഉദ്ഘാടനം ചെയ്തു. ചെറുവത്തൂർ ഗ്രാമ പഞ്ചായത്ത് പ്രസിഡണ്ട് സി.വി. പ്രമീള അദ്ധ്യക്ഷത വഹിച്ചു.
സി പി എം ചെറുവത്തൂർ ഏരിയ കമ്മിറ്റി അംഗം ടി.നാരായണൻ, പി.വിജയൻ, വി.ഉണ്ണികൃഷ്ണൻ , പി. വസന്ത , കൂത്തൂർ കണ്ണൻ മാസ്റ്റർ, കെ.ബിന്ദു എന്നിവർ സംസാരിച്ചു .ശ്രീജ ദിലീപ് സ്വാഗതവും കെ. ഓമന നന്ദിയും പറഞ്ഞു.
