കാര്യംകോട് പുതിയപാലം വീണ്ടും ഗതാഗതത്തിന് തുറന്നു കൊടുത്തു

ദേശീയപാതയിലെ കാര്യംകോട് പുഴക്ക് കുറുകെയുള്ള പുതിയപാലം വീണ്ടും ഗതാഗതത്തിന് തുറന്നു കൊടുത്തു. കാര്യംകോട് പഴയ പാലത്തിലെ തൂണുകൾ ചരിഞ്ഞ് അപകടവസ്ഥയിൽ ആയതിനെ തുടർന്നാണ് പുതിയപാലം വീണ്ടും തുറന്നു കൊടുത്തത്. രണ്ടാഴ്ച മുമ്പ് തന്നെ പുതിയപാലം ഗതാഗതത്തിന് തുറന്നു കൊടുത്തിരുന്നുവെങ്കിലും പിറ്റേദിവസം തന്നെ ഇത് അടച്ചുപൂട്ടുകയായിരുന്നു. സാങ്കേതിക തകരാറുകൾ പരിഹരിക്കാൻ വേണ്ടിയാണ് പാലം അടച്ചുപൂട്ടിയത്. അതിനുശേഷം വാഹനങ്ങൾ കടന്നു പോകുന്നത് പഴയ പാലത്തിലൂടെയാണ്. ഈപാലത്തിന്റെ തൂണ്‌ ചരിഞ്ഞ് അപകടാവസ്ഥയിൽ ആയ കാര്യം ‘ടൈംസ് ഓഫ് നോർത്ത്’ റിപ്പോർട്ട് ചെയ്തിരുന്നു. ഇതിന് പിന്നാലെയാണ് ഇപ്പോൾ പുതിയ പാലം വീണ്ടും ഗതാഗതത്തിന് തുറന്നു കൊടുത്തത്.

ഭാരം കയറ്റിയത് ഉൾപ്പെടെ ദിവസേന ആയിരക്കണക്കിന് വാഹനങ്ങൾ കടന്നുപോകുന്ന ദേശീയപാതയിലെ പ്രധാന പാലത്തിന്റെ തൂണുകൾ ചരിഞ്ഞ് അപകടാവസ്ഥയിലായത് വൻ ഭീഷണിയായിരുന്നു. ആയിരിക്കുന്നത്.