നീലേശ്വരം : ഓട്ടോറിക്ഷയുടെ പിറകിൽ കാറിടിക്കുകയും
നിയന്ത്രണം വിട്ട ഓട്ടോറിക്ഷ ഇലക്ട്രിക് പോസ്റ്റിൽഇടിച്ച് ഡ്രൈവർക്ക് പരിക്കേൽക്കുകയും പോസ്റ്റ്തകരുകയും ചെയ്തു. അപകടത്തിൽ കാഞ്ഞങ്ങാട് സൗത്തിലെ ഓട്ടോറിക്ഷ ഡ്രൈവർ ഉമേഷനാണ് പരിക്കേറ്റത്. ഇന്ന് രാവിലെ ചിറപ്പുറം ആലിൻ കീഴിലെ മിനി സ്റ്റേഡിയത്തിലേക്കുള്ള റോഡിനു മുന്നിൽ വച്ചാണ് അപകടമുണ്ടായത്. ബങ്കളം ഭാഗത്തുനിന്നും വന്ന കെഎൽ 147 ക്യു 2757നമ്പർ കാറും മിനി സ്റ്റേഡിയം റോഡിൽ നിന്നും ഇറങ്ങി വരികയായിരുന്ന കെ എൽ 60എഫ് 52 74 നമ്പർ ഓട്ടോറിക്ഷയും ആണ് കൂട്ടിയിടിച്ചത്.ഇടിയുടെ ആഘാതത്തിൽ നിയന്ത്രണംവിട്ട ഓട്ടോറിക്ഷ
മരമില്ലിന് സമീപത്തെ ഇലക്ട്രിക് പോസ്റ്റിൽ ഇടിച്ചു. പരിക്കേറ്റ ഡ്രൈവറെ ഉമേഷനെ നാട്ടുകാർ ഉടൻ നീലേശം തേജസ്വിനി സഹകരണ ആശുപത്രിയിൽ എത്തിച്ചു. കാറിന്റെ മുൻഭാഗം പൂർണ്ണമായും തകർന്നു. അപകടം അറിഞ്ഞ ഉടൻ നീലേശ്വരം എസ് ഐ മാരായ വിഷ്ണുപ്രസാദ്, പി രതീഷ് എന്നിവർ സ്ഥലത്തെത്തി.
Web Desk 
