ബദിയടുക്ക നവജീവന ഹയർ സെക്കണ്ടറി സ്ക്കൂളിലെ അദ്ധ്യാപക ദിന ആഘോഷം വേറിട്ടതായി

ബദിയടുക്ക: ദേശീയ അദ്ധ്യാപക ദിനം ബദിയടുക്ക നവജീവനാ ഹയർ സെക്കണ്ടറി സ്കൂളിൽ ‘ നമസ്തേ ടീച്ചർ’ എന്ന പേരിൽ പി ടി എ യുടെ നേതൃത്വത്തിൽ വിവിധങ്ങളായ പരിപാടികളോടെ ആഘോഷിച്ചു.
പി ടി എ പ്രസിഡണ്ട് ഷാഫി ചൂരിപ്പള്ളം അധ്യക്ഷത വഹിച്ചു.
ബദിയടുക്ക ഗ്രാമ പഞ്ചായത്ത്‌ മെമ്പർ ശ്യാമപ്രസാദ്- മാന്യ പരിപാടി ഉദ്ഘാടനം ചെയ്തു. പ്രിൻസിപ്പാൾ മാധവൻ ഭട്ടതിരി, ഹെഡ് മിസ്ട്രസ് പി മിനി എന്നിവർ ചേർന്ന് കേക്ക് മുറിച്ചു. സ്കൂളിലെ മുഴുവൻ അധ്യാപകരെയും പി ടി എ യുടെ വക ഉപഹാരം നൽകി ആദരിച്ചു.
പി ടി എ വൈസ് പ്രസിഡണ്ട് ആനന്ദ കെ മൊവ്വാർ, ചെങ്കളാ പഞ്ചായത്ത്‌ മെമ്പർ സലീം എടനീർ, ലത്തീഫ് മാർപ്പനടുക്ക, ഹമീദ് കെടഞ്ചി, അനിൽകുമാർ നാരായണൻ വിദ്യാഗിരി, സുധാകരൻ ബദിയടുക്ക, എസ് എം സി ചെയർമാൻ ആനന്ദ, എം പി ടി എ പ്രസിഡണ്ട് രേഷ്മ, സരോജിനി, അനിൽകുമാർ, ശരണ്യ ,ബേബി ശാലിനി, രാധാകൃഷ്ണ ഭട്ട് അധ്യാപകരായ ഷാഹിദ ബീവി, വി ഇ ഉണ്ണികൃഷ്ണൻ, പ്രഭാകരൻ നായർ, ശശിധരൻ, കെ പ്രസാദ്, രാജേഷ് പി എന്നിവർ സംസാരിച്ചു.