യുവാവിനെ തലയ്ക്ക് വെട്ടി കൊലപ്പെടുത്താൻ ശ്രമിച്ച പ്രതി അറസ്റ്റിൽ 

പയ്യന്നൂർ : വീട്ടിൽ കിടന്നുറങ്ങുകയായിരുന്ന യുവാവിനെ തലയ്ക്ക് വാളുകൊണ്ടു വെട്ടി കൊലപ്പെടുത്താൻ ശ്രമിച്ച കേസിലെ പ്രതി പിടിയിൽ.രാമന്തളി ചൂളക്കടവിലെ സി.കെ.അബൂബക്കർ സിദ്ധിഖിനെ (35)യാണ് പയ്യന്നൂർ എസ്.ഐ.പി. യദുകൃഷ്ണൻ അറസ്റ്റു ചെയ്തത്. കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു.

രാമന്തളി വടക്കുമ്പാട് ചൂളക്കടവിലെ സി.വിനേഷിനെ (44) 14 ന് രാത്രി 9.45 മണിക്ക് ചൂളക്കടവിലെ വീട്ടിൽ അതിക്രമിച്ചു കയറിയാണ് വധശ്രമം ഉണ്ടായത്. പ്രതിയുടെ സഹോദരിയുടെ വീടിനടുത്ത് പരാതിക്കാരനും സുഹൃത്തുക്കളും വൈകുന്നേരങ്ങളിൽ ഇരിക്കുന്നതിലുള്ള വിരോധവും സഹോദരിയെ വഴക്കു പറഞ്ഞതുംകാരണം വാളുമായി വീട്ടിലെത്തിയ പ്രതി കിടന്നുറങ്ങുകയായിരുന്ന വിനേഷിനെ തലക്ക് വെട്ടി പരിക്കേൽപ്പിക്കുകയായിരുന്നു. വീണ്ടുംവെട്ടാനായി കത്തിവീശിയ സമയം വാൾ പിടിച്ചു തടുത്തില്ലെങ്കിൽ വെട്ട് മൂർദ്ധാവിൽ കൊണ്ട് മരണം വരെ സംഭവിക്കുമായിരുന്നു. പരിക്കേറ്റ പരാതിക്കാരൻ പരിയാരത്തെ കണ്ണൂർ ഗവ.മെഡിക്കൽ കോളേജ് ആശുപത്രിയിൽ ചികിത്സ തേടിയിരുന്നു തലയ്ക്ക് എട്ടോളം തുന്നിട്ടിരുന്നു.