കാസർകോട് ജില്ലയിൽ നിന്നും പോലീസ്’ ട്രെയിനിംഗ് കോളേജ് പ്രിൻസിപ്പാളായി ട്രാൻസ്ഫർ ആയി പോകുന്ന ജില്ലാ പോലീസ് മേധാവി പി ബിജോയ്ക്ക് ജില്ലയിലെ സ്റ്റുഡൻസ് പോലീസ് കേഡറ്റുകളും അധ്യാപകരും പോലീസ് ഉദ്യോഗസ്ഥരും യാത്രയയപ്പ് നൽകി. പരവനടുക്കം ഗവ മോഡൽ റസിഡൻഷ്യൽ സ്കൂളിലെ സീനിയർ കേഡറ്റുകൾ ജില്ലാ പോലീസ് ആസ്ഥാനത്തെത്തി ഗാർഡ് ഓഫ് ഹോണർ നൽകി. തുടർന്ന് എസ് പി യുടെ ചേമ്പറിൽ എത്തിയ കാഡറ്റുകൾക്ക് ജില്ലാ പോലീസ് മേധാവി മധുരം നൽകി സ്വികരിച്ചു. കേഡറ്റുകൾ ജില്ലാ പോലീസ് മേധാവിയുമായി സംവദിക്കുകയും ആശംസകൾ നേരുകയും ചെയ്തു.ജില്ലാ വിദ്യാഭ്യാസ ഡെപ്യൂട്ടി ഡയരക്ടർ മധുസൂദനൻ ചേമ്പറിലെത്തി ആശംസ നേർന്നു. ജില്ലാ പോലീസ് കോൺഫറൻസ് ഹാളിൽ വെച്ച് നടന്ന യാത്രയയപ്പ് സമ്മേളനത്തിൽ സ്റ്റുഡൻസ് പോലീസ് കേഡറ്റ് ജില്ലാ കൺവീനർ ഗോപീകൃഷ്ണൻ മാസ്റ്റർ അദ്ധ്യക്ഷത വഹിച്ചു. കാസറഗോഡ് ഡി.വൈ.എസ് പി സുനിൽകുമാർ സി.കെ ഉപഹാരസമർപ്പണം നടത്തി. നർക്കോട്ടിക് സെൽ ഡി.വൈ.എസ്.പി ചന്ദ്രകുമാർ എസ്, സീനിയർ പോലീസ് ഉദ്യോഗസ്ഥരായ പ്രദീപൻ കൊതോളി , ഷൈലജ എം, അദ്ധ്യാപകരായ റാണി എം ജോസഫ്, ജിമ്മി മാത്യു എന്നിവർ ആശംസകൾ നേർന്നു. എസ് പി സി ജില്ലാ അസിസ്റ്റൻ്റ് നോഡൽ ഓഫീസർ ടി തമ്പാൻ സ്വാഗതവും ജി എച്ച് എസ് ചട്ടഞ്ചാൽ കമ്മ്യൂണിറ്റി പോലീസ് ഓഫീസർ ഹരികൃഷ്ണൻ മാസ്റ്റർ നന്ദിയും പറഞ്ഞു .
Web Desk 
