Web Desk 
കൊച്ചി: മുഖ്യമന്ത്രിയുടെ മകള് വീണാ വിജയന്റെ എക്സാലോജിക് കമ്പനിക്കെതിരായ അന്വേഷണത്തില് കേന്ദ്ര ഏജന്സികള് കൊച്ചിയിലെ സിഎംആര്എല് കമ്പനിയില് പരിശോധന നടത്തുന്നു. സീരിയസ് ഫ്രോഡ് ഇന്വെസ്റ്റിഗേഷന് ടീം ആണ് പരിശോധന നടത്തുന്നത്.
സിഎംആര്എല്ലിന്റെ ആലുവയിലെ കോര്പറേറ്റ് ഓഫീസിലാണ് റെയ്ഡ് നടക്കുന്നത്. എസ്എഫ്ഐഒ ഡെപ്യൂട്ടി ഡയറക്ടര് അരുണ് പ്രസാദിന്റെ നേതൃത്വത്തിലുള്ള സംഘമാണ് രാവിലെ 9 മണി മുതല് റെയ്ഡ് നടത്തുന്നത്. എസ്എഫ്ഐഒ നടത്തുന്ന റെയ്ഡില് ഇഡി സംഘവും ഉള്പ്പെട്ടിട്ടുണ്ടെന്നാണ് വിവരം.
ജനുവരി 31നാണ് എക്സാലോജിക്കിനെതിരായ അന്വേഷണം എസ്എഫ്ഐഒയ്ക്ക് വിടാന് കേന്ദ്ര സര്ക്കാര് തീരുമാനിച്ചത്. എക്സാലോജിക്, സിഎംആര്എല്, സിഎംആര്എല്ലില് ഓഹരി പങ്കാളിത്തമുള്ള സംസ്ഥാന പൊതുമേഖല സ്ഥാപനമായ കെഎസ്ഐഡിസി എന്നിവയ്ക്കെതിരെയാണ് അന്വേഷണം.
Related Posts:
Tags: cmrl veena vijayan
