ഗീതുവിന് കൈ താങ്ങായി വീണ്ടും സ്ക്കൂൾ പി ടി എ യും വിദ്യാർത്ഥികളും

കരിന്തളം: ഗുരുതരമായ കരൾ രോഗം ബാധിച്ച് ചികിൽസ സഹായം തേടുന്ന ബിരിക്കുളം കൂടോലിലെ ഗീതുവിന് കൈതാങ്ങായി വീണ്ടും കുമ്പളപ്പള്ളി എസ് കെ ജി എം എ യു പി സ്ക്കൂൾ പി ടി എ യും വിദ്യാർത്ഥികളും. രണ്ടാഴ്ച മുമ്പ് തമ്പുരാട്ടി ബസ്സ് നടത്തിയ കാരുണ്യ യാത്രയുമായി എസ് കെ ജി എം എ യു പി സ്ക്കൂൾ പി ടി എ എക്സിക്യൂട്ടീവും വിദ്യാർത്ഥികളും കൈകോർത്തിരുന്നു. അതുകൂടാതെയാണ് വിദ്യാർത്ഥികളുടെയും പിടിഎ യുടെയും നേതൃത്വത്തിൽ വീണ്ടും ഫണ്ട് സമാഹരിച്ച് ഗീതുവിന് ചികിൽസാസഹായം നൽകിയത്. കരിന്തളം ഗവ: കോളേജിലെ ബിരുദ വിദ്യാർത്ഥിനി ഗീതുവിൻ്റെ ജീവൻ രക്ഷിക്കാൻ നാട് ഒന്നാകെ കൈകോർത്ത് പ്രവർത്തിച്ച് വരികയാണ്. ഇന്ന് രാവിലെ സ്കൂളിൽ നടന്ന ചടങ്ങിൽ വെച്ച് ഗീതു ചികിൽസ സഹായ കമ്മറ്റിയെ ഫണ്ട് ഏൽപ്പിച്ചു. പി ടി എ പ്രസിഡന്റ് ടി സിദ്ധിക്ക് അധ്യക്ഷത വഹിച്ചു. ഹെഡ്മാസ്റ്റർ ജോളി ജോർജ് കെ, ചികിൽസസാഹയ വർക്കിംഗ് കമ്മറ്റി ചെയർപേഴ്സൺ ചിത്രലേഖയ്ക്ക് ഫണ്ട് കൈമാറി, ട്രഷറർ ശശീന്ദ്രൻ എം , ചികിൽസകമ്മറ്റി അംഗങ്ങളായ എൻ വിജയൻ, നൗഷാദ് കാളിയാനം പ്രമോദ് നവോദയ ,ബിജു കൂടോൽ എന്നിവരും, പി ടി എ വൈസ് പ്രസിഡൻ്റ് വാസു കരിന്തളം, സിനിയർ അസിസ്റ്റന്റ് ഇന്ദുലേഖ, എം പി ടി എ പ്രസിഡൻ്റ് സിന്ധുവിജയകുമാർ, വൈസ് പ്രസിഡൻ്റ് അമൃത പി തുടങ്ങി കമ്മറ്റി അംഗങ്ങളും പങ്കെടുത്തു