പെൺകുട്ടിയെ മാനഭംഗപ്പെടുത്താൻ ശ്രമിച്ച മധ്യവയസ്കനെതിരെ  പോക്സോ കേസ്

വീട്ടിൽ അതിക്രമിച്ച് കയറി 16 കാരിയെ കടന്നുപിടിച്ച് പീഡിപ്പിക്കാൻ ശ്രമിച്ച മധ്യവയസ്കനെതിരെ പഴയങ്ങാടി പോലീസ് പോക്സോ കേസ് എടുത്തു. സ്റ്റേഷൻ പരിധിയിലെ 16 കാരിയുടെ പരാതിയിൽ
ചെങ്ങൽ കൊവ്വപുറത്തെ കെ.പി. രാജനെ(65)തിരെയാണ് പോലീസ് പോക്സോ നിയമപ്രകാരം കേസെടുത്തത്.

കഴിഞ്ഞ ദിവസം ഉച്ചയോടെയാണ് സംഭവം. വയലിൽ പണിയെടുക്കുന്നതിനിടെ ചായ കുടിക്കാനായി സമീപത്തെ വീട്ടിലെത്തിയ പ്രതി പെൺകുട്ടിയെ കടന്നുപിടിച്ച് പീഡിപ്പിക്കാൻ ശ്രമിക്കുകയായിരുന്നു.
പെൺകുട്ടിയുടെ കരച്ചിൽ കേട്ട് ആളുകൾ ഓടിയെത്തുമ്പോഴെക്കും പ്രതി ഓടി രക്ഷപ്പെട്ടു.