Web Desk 
നീലേശ്വരം: ജോലിക്കാണെന്നും പറഞ്ഞ് വീട്ടിൽ നിന്ന് പോയി കാണാതായതായ യുവാവ് തിരിച്ചെത്തി. കരുവാച്ചേരി കൈരളി ക്ലബ്ബിന് സമീപത്തെ കുഞ്ഞമ്പാടിയുടെ മകൻ പി സുജിത്ത് (36 )ആണ് കഴിഞ്ഞദിവസം നാട്ടിൽ തിരിച്ചെത്തിയത്. വെള്ളിയാഴ്ച ഉച്ചയോടെ കരുവാച്ചേരി ടവറിന് സമീപം സുജിത്തിനെ അവശനിലയിൽ കണ്ട നാട്ടുകാർ പൊലിസിനെ വിവരമറിയിക്കുകയായിരുന്നു. പൊലിസ് എത്തി ഇയാളെ കസ്റ്റഡിയിലെടുത്തു.കഴിഞ്ഞ 18നു രാവിലെയാണ് ഇയാൾ ജോലിക്കാണെന്നും പറഞ്ഞു വീട്ടിൽ നിന്നും ഇറങ്ങിയത് പിന്നീട് തിരിച്ചെത്തിയിട്ടില്ല നീലേശ്വരം പോലീസ് കേസെടുത്തു അന്വേഷണം നടത്തി വരികയായിരുന്നു. സാമ്പത്തിക ബാധ്യതയാണ് നാടുവിടാൻ കാരണമെന്ന് ഇയാൾ പൊലിസിനോട് പറഞ്ഞു.
