മടിക്കൈ ഗ്രാമപഞ്ചായത്ത് 2023 – 24വാർഷിക പദ്ധതിയിൽ ഉൾപ്പെടുത്തി നാന്തൻകുഴി കമ്മ്യൂണിറ്റി ഹാൾ പരിസരത്ത് ഊരുത്സവം – 2024 “ഈയാമ ജോ” പരിപാടി സംഘടിപ്പിച്ചു. തനത് ഉൽപ്പന്നങ്ങളുടെയും ഊരുകളിൽ നിന്ന് ശേഖരിച്ച ഭക്ഷ്യവിഭവങ്ങളായ നര,കുറുട്, കുണ്ട് കിഴങ്ങ്, കൂവ, ഉറുമ്പരിചമ്മന്തി, ഒയറ, പച്ചമരുന്ന്, പഴയ കാലത്ത് കൃഷി ചെയ്യാൻ ഉപയോഗിച്ചിരുന്ന ആയുധങ്ങൾ എന്നിവയുടെപ്രദർശനം, കുടുംബശ്രീ ഉൽപ്പന്നങ്ങളുടെ വിപണനത്തിനുവേണ്ടിയുള്ള 8 ഓളം സ്റ്റാളുകളിലേക്ക് വിവിധ ഭാഗങ്ങളിൽ നിന്ന് ആളുകൾ ഒഴുകിയെത്തി.
രാവിലെ സ്റ്റാളിന്റെ ഉദ്ഘാടനം കാഞ്ഞങ്ങാട് ബ്ലോക്ക് പഞ്ചായത്ത് പ്രസിഡന്റ് കെ. മണിക്കണ്ഠൻ നിർവ്വഹിച്ചു. എബിസിഡി പദ്ധതി പ്രകാരം റേഷൻ കാർഡ് ലഭിച്ച ഗുണഭോക്താവിന് ഹൊസ്ദുർഗ് തഹസിൽദാർ എം. മായ വിതരണം ചെയ്തു. വൈകുന്നേരം ഊരുത്സവം ജില്ലാ പഞ്ചായത്ത് പ്രസിഡന്റ് പി. ബേബി ബാലകൃഷണൻ ഉദ്ഘാടനംചെയ്തു. ഗ്രാമ പഞ്ചായത്ത് പ്രസിഡന്റ് എസ് പ്രീത അദ്ധ്യക്ഷത വഹിച്ചു. വിവിധ മേഖലയിൽ കഴിവ് തെളിയിച്ചവരെ സംഗീതരത്നം കാഞ്ഞങ്ങാട് രാമചന്ദ്രൻ മാസ്റ്റർ സ്നേഹോപഹാരം നല്കി ആദരിച്ചു. വി.പ്രകാശൻ, അബ്ദുൾ റഹിമാൻ, പി സത്യ, രമപത്നനാഭൻ, ടി. രാജൻ, എൻ, ബാലകൃഷ്ണൻ സി.പ്രഭാകരൻ, എം.രാജൻ, കെ.എം ഷാജി, കെ.റീന, കെ. ദാമോധരൻ, വി.ബാലകൃഷ്ണൻ, വി.വേണു, എൻ. ആനന്ദൻ, സിവിൽ സപ്ലൈ ഓഫീസർ മാധവൻ പോറ്റി, അസിസ്റ്റന്റ് സപ്ലൈ ഓഫീസർ ഷൺമുഖൻ ട്രൈബൽ ഓഫീസർ രാകേഷ് , അസിസ്റ്റന്റ് സെക്രട്ടറി സി. ഷിബു ,എസ് ടി പ്രമോട്ടർമാരായ മഹേഷ്, വിജേഷ് എന്നിവർ സംസാരിച്ചു. കെ.വി. പ്രമോദ് സ്വാഗതം പറഞ്ഞു. തുടർന്ന് മംഗലംക്കളി, ആലാമിക്കളി, തിരുവാതിര, മറയൂരാട്ടം, ഇരുളാട്ടം, തിറയാട്ടം, നാടൻ പ്പാട്ട് തുടങ്ങി ഒട്ടനവധി കലാ പരിപാടികളും അരങ്ങേറി , മെഗാ മംഗലംകളിയോടു കൂടി പരിപാടി അവസാനിച്ചു.
Web Desk 
