കല്യോട്ട് കൊലചെയ്യപ്പെട്ട യൂത്ത് കോൺഗ്രസ് പ്രവർത്തകൻ ശരത് ലാലിന്റെ സഹോദരി അമൃതയുടെ വിവാഹം നാളെ നടക്കും. ചെമ്മട്ടംവയൽ പലേഡിയം കൺവെൻഷൻ സെന്ററിൽ നടക്കുന്ന കല്യാണ ചടങ്ങിൽ പങ്കെടുക്കാൻ കോൺഗ്രസ് നേതാക്കൾ കൂട്ടത്തോടെ നാളെ കാഞ്ഞങ്ങാട് എത്തും. കല്യോട്ടെ സത്യനാരായണന്റെയും ലതയുടെയും മകളാണ് അമൃത. ബന്തടുക്ക മാണിമൂലയിലെ നാരായണൻ മണിയാണിയുടെയും നാരായണിയുടെയും മകൻ മുകേഷാണ് അമൃതയുടെ വരൻ.
കോൺഗ്രസ് നേതാക്കളായ മുല്ലപ്പള്ളി രാമചന്ദ്രൻ, വി എം സുധീരൻ, ഷാഫി പറമ്പിൽ, രാഹുൽ മാങ്കൂട്ടം ഉൾപ്പെടെയുള്ള നേതാക്കൾ കല്യാണ ചടങ്ങിൽ പങ്കെടുക്കാൻ എത്തുന്നുണ്ട്. പ്രതിപക്ഷ നേതാവ് വി ഡി സതീശൻ ഇന്നലെത്തന്നെ വീട്ടിലെത്തി ആശംസ അറിയിച്ചു.
Web Desk 
