Web Desk 
പോലീസ് താക്കീത് ചെയ്തിട്ടും ഭാര്യയുമായി വഴക്കിട്ട് ആക്രമിച്ച ഭർത്താവിനെ പോലീസ് അറസ്റ്റ് ചെയ്തു. പുത്തികെ കട്ടത്തടുക്ക രിഫായ നഗറിൽ മുഹമ്മദ് റഫീഖിനെ(40) ആണ് കുമ്പള എസ് ഐ വി കെ വിജയൻ അറസ്റ്റ് ചെയ്തത്. റഫീക്ക് വീട്ടിൽ വച്ച് ഭാര്യ റുക്സാനയുമായി വഴക്കിടുന്നുണ്ടെന്ന് വിവരം ലഭിച്ചതിന്റെ അടിസ്ഥാനത്തിലാണ് എസ് ഐ വിജയനും സംഘവും ഇവരുടെ വീട്ടിൽ എത്തിയത് റഫീക്കും ഭാര്യയുമായി സംസാരിച്ച പോലീസ് വഴക്കുണ്ടാക്കില്ലെന്ന് ഉറപ്പു വരുത്തിയ ശേഷം തിരിച്ചു പോവുകയായിരുന്നു. എന്നാൽ പോലീസ് പോയ ഉടനെ റഫീക്ക് വീണ്ടും വഴക്കുണ്ടാക്കിയതോടെയാണ് തിരിച്ചെത്തിയ പോലീസ് റഫീഖിനെ അറസ്റ്റ് ചെയ്തത്.
