ഹരിത കർമ്മ സേന അംഗങ്ങളെ ചീത്ത വിളിച്ച് പണം തട്ടി പറിച്ചു

മാലിന്യം ശേഖരിക്കാൻ എത്തിയ ഹരിത കർമ്മ സേന പ്രവർത്തകരായ വനിതകളെ ചീത്ത വിളിച്ച് പണം തട്ടിപ്പറിച്ചതായി കേസ്. ബദിയടുക്ക ഗ്രാമപഞ്ചായത്തിലെ ഹരിത കർമ്മ സേന പ്രവർത്തകരായ മാന്യ ബേളയിലെ അക്ഷയ, വത്സല എന്നിവരെയാണ് ബേള സംസം നഗറിലെ എബിഡി അപ്പാർട്ട്മെന്റിൽ താമസിക്കുന്ന സ്വാലിഹ് ആക്രമിച്ചത്. പ്ലാസ്റ്റിക് മാലിന്യങ്ങൾ മുഴുവനും ശേഖരിച്ചില്ല എന്ന് ആരോപിച്ചാണ് ഇവരെ അശ്ലീല ഭാഷയിൽ ചീത്ത വിളിക്കുകയും യൂസേഴ്സ് ഫീസായി വാങ്ങിയ പണം തട്ടിപ്പറിച്ച് എടുക്കുകയും ചെയ്തത്