പരസ്പരം അടികൂടിയ യുവാക്കളിൽ നിന്നും കഞ്ചാവ് പിടികൂടി

കാസർകോട്: പൊതുസ്ഥലത്ത് വെച്ച് പരസ്പരം അടി കൂടിയതിന് നാട്ടുകാർ തടഞ്ഞുവെച്ച യുവാക്കളിൽ നിന്നും പോലീസ് കഞ്ചാവ് പിടികൂടി. ചൗക്കി ആസാദ് നഗർ ഭണ്ഡാര വീടിന് സമീപം വെച്ച് പരസ്പരം അടികൂടിയ ആസാദ് നഗറിലെ ഷമീദ് മനസ്സിലിൽ കെ എം ശിഹാബുദ്ദീൻ, ഏരിയാലിലെ ടി കെ മുഹമ്മദ് സുനൈസ്, ഏരിയാൽ പെരിയടുക്കത്തെ മുഹമ്മദ് അസ്കർ എന്നിവരെയാണ് അറസ്റ്റ് ചെയ്തത്. ഭണ്ഡാര വീട് ക്ഷേത്ര പരിസരത്ത് വച്ച് പരസ്പരം അടി കൂടുകയായിരുന്ന ഇവരെ നാട്ടുകാർ തടഞ്ഞു വെക്കുകയായിരുന്നു. പോലീസ് എത്തി പരിശോധിച്ചപ്പോഴാണ് ഇവരിൽ നിന്നും 5.9 ഗ്രാം കഞ്ചാവ് കണ്ടെടുത്തത്.