Web Desk 
മുന്നണിയിലെ പ്രധാന ഘടകകക്ഷി എന്ന നിലയിൽ എൻ.സി.പിയുമായി കേരളത്തിൽ എല്ലായിടത്തും നല്ല ബന്ധമാണുള്ളതെന്നും തിരഞ്ഞെടുപ്പ് രംഗത്ത് എൻ. സി. പി സജീവമാണെന്നും എൽ.ഡി.എഫ് സംസ്ഥാന കൺവീനർ ഇ. പി ജയരാജൻ അഭിപ്രായപ്പെട്ടു. കാഞ്ഞങ്ങാട് കൊവ്വൽപ്പള്ളിയിൽ എൽ.ഡി.എഫ് പാർലമെന്റ് മണ്ഡലം കമ്മിറ്റി ഓഫീസിൽ എൻ. സി. പി (എസ്) കാസർകോട് ജില്ലാ ഭാരവാഹികളുമായി ചർച്ച നടത്തവെയാണ് ഇ. പി ജയരാജൻ ഇങ്ങനെ പറഞ്ഞത്. മുന്നണി സംവിധാനത്തിൽ ആയാലും ഭരണതലത്തിൽ ആയാലും എൽസിപിയുമായി ഉണ്ടാക്കിയ എല്ലാ ധാരണകളും പാലിക്കും. മുന്നണിയിലെ ഘടകകക്ഷികളുമായി യാതൊരുവിധ അഭിപ്രായ വ്യത്യാസങ്ങളും ഇല്ലാത്ത ഒരു തിരഞ്ഞെടുപ്പാണിത്. മുഴുവൻ പാർട്ടികളും ആത്മാർത്ഥമായി രംഗത്തിറങ്ങുകയാണ്.കേരളത്തിലെ 20 എൽ.ഡി.എഫ് സ്ഥാനാർത്ഥികൾക്കും വേണ്ടി ഘടക കക്ഷികൾ ഒറ്റക്കെട്ടായി രംഗത്തിറങ്ങുകയാണ്. അദ്ദേഹം പറഞ്ഞു. എൽ. ഡി. എഫ് കൺവീനറുമായി നടത്തിയ ചർച്ചയിൽ എൻ. സി. പി കാസർകോട് ജില്ലാ കമ്മിറ്റി ഉന്നയിച്ച വിഷയങ്ങൾ ഇ. പി ജയരാജൻ അംഗീകരിച്ചു. എൻ. സി. പിയുമായി ഉണ്ടാക്കിയ ധാരണ പ്രകാരം ആവശ്യമായ നടപടി കൈക്കൊള്ളാൻ ഒപ്പമുണ്ടായിരുന്ന എൽ. ഡി. എഫ് കൺവീനർ കെ. പി സതീഷ് ചന്ദ്രന് അദ്ദേഹം നിർദേശവും നൽകി.
സി. പി. എം ജില്ലാ സെക്രട്ടറിയേറ്റ് മെമ്പർ വി. വി രമേശനും സംബന്ധിച്ചു. ചർച്ചയിൽ എൻ. സി. പി ജില്ലാ പ്രസിഡന്റ് കരീം ചന്തേര, സംസ്ഥാന സെക്രട്ടറി സി. ബാലൻ, ജില്ലാ വൈസ് പ്രസിഡന്റ് ടി. ദേവദാസ്, രാജു, ജനറൽ സെക്രട്ടറിമാരായ ടി. നാരായണൻ, ഉദിനൂർ സുകുമാരൻ, സുബൈർ പടുപ്പ്, ഒ. കെ ബാലകൃഷ്ണൻ, സിദ്ധിഖ്‌ കൈക്കമ്പ, കാഞ്ഞങ്ങാട് ബ്ലോക്ക് പ്രസിഡന്റ് രാഹുൽ നിലാങ്കര എന്നിവർ പങ്കെടുത്തു. എൽ. ഡി. എഫ് നേതാക്കൾ പാർട്ടിക്ക് മുന്നണിയിൽ അർഹമായ പരിഗണന നൽകുന്നതായും കാസർകോട് ലോകസഭ മണ്ഡലത്തിൽ എൽ. ഡി. എഫ് സ്ഥാനാർത്ഥി എം. വി ബാലകൃഷ്ണൻ മാസ്റ്ററുടെ വിജയത്തിനായി പാർട്ടി പ്രവർത്തകർ ഒറ്റക്കെട്ടായി രംഗത്തിറങ്ങുമെന്നും എൻ. സി. പി( എസ്) ജില്ലാ പ്രസിഡന്റ് കരീം ചന്തേര പറഞ്ഞു.
