ഗാര്‍ഹീക പീഡനം: നവവധുവിൻ്റെ പരാതിയിൽ ഭർത്താവിനും സഹോദര ഭാര്യക്കും എതിരെ കേസ്

വിവാഹം കഴിഞ്ഞ് ഒരു മാസം തികയും മുമ്പ് നവവധുവിനെ ഗാർഹിക പീഡനത്തിനിരയാക്കിയ ഭർത്താവിനും ഭർതൃസഹോദരൻ്റെ ഭാര്യക്കുമെതിരെ പയ്യന്നൂർ പോലീസ് കേസെടുത്തു. വെള്ളൂർ സ്വദേശിനിയായ 28 കാരിയുടെ പരാതിയിൽ ഭർത്താവ് കണ്ണൂർ എളയാവൂരിലെ അഖിലേഷ് (34), സഹോദരൻ്റെ ഭാര്യ അമൃത എന്നിവർക്കെതിരെ കേസെടുത്തത്.

കഴിഞ്ഞ മാസം 28നാണ് ഇവരുടെ വിവാഹം.ഭർതൃവീട്ടിൽ കഴിയുന്നതിനിടെ സൗന്ദര്യം കുറഞ്ഞുപോയെന്നും സ്വര്‍ണം ലഭിച്ചത് കുറഞ്ഞുപോയെന്നും മാനസിക പ്രശ്‌നമുണ്ടെന്നും മറ്റും പറഞ്ഞ് ശാരീരികവും മാനസികവുമായി പീഡിപ്പിക്കുന്നുവെന്ന പരാതിയിലാണ് പോലീസ് കേസെടുത്തത്.