Web Desk 
നീലേശ്വരം : പഴയ കാലത്ത് ജനകീയ കൂട്ടായ്മയിലൂടെ നീലേശ്വരത്തെ വികസനപാതയിലേക്ക് നയിച്ച ജനസമൂഹത്തെ, എൽ ഡി എഫ് ഭരണം ഏറ്റെടുത്തത് മുതൽ കഴിഞ്ഞ 24 വർഷക്കാലമായി തുടർഭരണം നടത്തി വികസന മുരടിപ്പിൻ്റെ പാരമ്യത്തിലേക്ക് എത്തിച്ചിരിക്കുകയാണ്. ഇതിന് നേതൃത്വം കൊടുത്ത എൽഡിഎഫ് നഗരസഭ ഭരണസമിതി നാടിന് ശാപമായി മാറിയിരിക്കുകയാണെന്നും നീലേശ്വരം മണ്ഡലം കോൺഗ്രസ്സ് നേതൃയോഗം അഭിപ്രായപ്പെട്ടു.
ജനുവരി 25 ന് കാഞ്ഞങ്ങാട് കൊവ്വൽപ്പള്ളിയിൽ ഡിസിസി യുടെ നേതൃത്വത്തിൽ സംഘടിപ്പിക്കുന്ന കോൺഗ്രസ്സ് നേതാവും മുൻ എം എൽ എയുമായ കെ. പി. കുഞ്ഞിക്കണ്ണൻ അനുസ്മരരണ സമ്മേളനം വിജയിപ്പിക്കുവാൻ യോഗം തീരുമാനിച്ചു.
മണ്ഡലം പ്രസിഡൻ്റ് എറുവാട്ട് മോഹനനൻ അദ്ധ്യക്ഷത വഹിച്ചു.
ഡി സി സി വൈസ് പ്രസിഡൻ്റ് അഡ്വ കെ.കെ. രാജേന്ദ്രൻ ഉത്ഘാടനം ചെയ്തു. ബ്ലോക്ക് പ്രസിഡൻ്റ് മടിയൻ ഉണ്ണികൃഷ്ണൻ, ദളിത് കോൺഗ്രസ്സ് ജില്ലാ പ്രസിഡൻ്റ് പി. രാമചന്ദ്രൻ, നഗരസഭ യു ഡി എഫ് പാർലമെൻ്ററി പാർട്ടി ലീഡർ ഇ ഷജീർ ,വി.കെ. രാമചന്ദ്രൻ, പി. അരവിന്ദാക്ഷൻ, എം. വി ഭരതൻ, കെ. വി. സുരേഷ് കുമാർ എന്നിവർ സംസാരിച്ചു. പി. രതീഷ് സ്വാഗതവും, കെ.പി. ശശി നന്ദിയും പറഞ്ഞു.
