യു ഡി ഐ ഡി ലഭ്യമാക്കാനുള്ള കാലതാമസം ഒഴിവാക്കണം:റോട്ടറി സ്കൂൾ പി ടി എ

മാവുങ്കാൽ: ബൗദ്ധീക വെല്ലുവിളികൾ നേരിടുന്നവർ ഉൾപ്പെടെ രാജ്യമെമ്പാടുമുള്ള ഭിന്നശേഷിക്കാർക്ക് കേന്ദ്ര സർക്കാർ നൽകുന്ന ഏകീകൃത തിരിച്ചറിയൽ കാർഡായ യുനീക് ഐ ഡി ഫോർ പേഴ്സൺ വിത്ത് ഡിസ്ബിലിറ്റി (യു ഡി ഐ ഡി)ലഭ്യമാക്കാനുള്ള സാങ്കേതിക കുരുക്കും കാലതാമസവും ഒഴിവാക്കണമെന്ന് റോട്ടറി സ്പെഷ്യൽ സ്കൂൾ പി ടി എ വാർഷിക പൊതുയോഗം കേന്ദ്ര സർക്കാറിനോട് ആവശ്യപ്പെട്ടു. സംസ്ഥാന സർക്കാർ മെഡിക്കൽ ബോർഡ് നൽകുന്ന ഭിന്നശേഷി സർട്ടിഫിക്കറ്റുകൾക്കുള്ള നിബന്ധനകൾ ലഘൂകരിക്കണമെന്ന ആവശ്യവും യോഗം ഉന്നയിച്ചു.

ഭിന്നശേഷി കുട്ടികൾക്കുള്ള രക്ഷിതാക്കളുടെ കൂട്ടായ്മയായ പെയ്ഡിൻ്റെ മെമ്പർഷിപ്പിപ്പ് ജില്ലാതല വിതരണം സ്കൂൾ പി ടി എ പ്രസിഡണ്ട് കെ.ചിണ്ടന് മെമ്പർഷിപ്പ് പുസ്തകം കൈമാറി പെയ്ഡ് ജില്ല പ്രസിഡണ്ട് ടി.മുഹമ്മദ് അസ്ലം ഉൽഘാടനം ചെയ്തു. പി ടി എ പ്രസിഡണ്ട് കെ ചിണ്ടൻ അദ്ധ്യക്ഷം വഹിച്ചു.
സ്കൂൾ ഡയറക്ടർ ഗജാനന കമ്മത്ത്, എം.സി.ജേക്കബ്,എൻ.സുരേഷ്, സുബൈർ നീലേശ്വരം എന്നിവർ പ്രസംഗിച്ചു.സ്കൂൾ പ്രിൻസിപ്പാൾ ബീന സുകു സ്വാഗതവും,സ്റ്റാഫ് സെക്രട്ടറി പി. പ്രീതി നന്ദിയും പറഞ്ഞു.

ഭാരവാഹികൾ:
സുബൈർ നീലേശ്വരം (പി ടി എ പ്രസിഡണ്ട് )
പ്രിൻസിപ്പാൾ ബിന സുകു ( സെക്രട്ടറി )
പെയ്ഡ് യൂണിറ്റ്:
ടി.മുഹമ്മദ് അസ്ലാം ( പ്രസിഡണ്ട് )
മദർ പി ടി എ പ്രസിഡണ്ട് സ്വപ്ന മടിക്കൈ.