Web Desk 
ചീമേനി പോലീസ് സ്റ്റേഷൻ പരിധിയിലെ തിമിരി ചെമ്പ്രകാനത്ത് പിതാവിനേയും സഹോദരനേയും കത്രിക കൊണ്ട് കുത്തി പരിക്കേൽപിച്ച ടെറിട്ടോറിയൽ ആർമിക്കാരൻ അറസ്റ്റിൽ. ചെമ്പ്രക്കാനത്ത് വാടക ക്വാട്ടേസിൽ താമസിക്കുന്ന വിപ്രദാസിന്റെ മകൻ വിപിൻദാസിനെ (36)യാണ് ചീമേനി പോലീസ് ഇൻസ്പെക്ടർ എ അനിൽകുമാർ അറസ്റ്റ് ചെയ്തത്. അച്ഛൻ വിപ്രദാസ് സഹോദരൻ വരുൺദാസ് (26) എന്നിവരെയാണ് വിപിൻദാസ് കത്രിക കൊണ്ട് കുത്തി പരിക്കേൽപ്പിച്ചത്. ഇന്ന് പുലർച്ചെ പന്ത്രണ്ടരയോടെയാണ് സംഭവം. വിവരമറിഞ്ഞ് അപ്പോൾ തന്നെ ചീമേനി എസ് ഐ പി.വി രാമചന്ദ്രനും സംഘവും സ്ഥലത്തെത്തിയാണ് പരിക്കേറ്റവരെ ആശുപത്രിയിലേക്ക് മാറ്റിയത്.
