അവധിക്ക് നാട്ടിലെത്തിയ യുവാവ് കുഴഞ്ഞു വീണു മരിച്ചു

ഗള്‍ഫില്‍ നിന്നും അവധിക്ക് നാട്ടില്‍ വന്ന യുവാവ് കുഴഞ്ഞ് വീണ് മരണപ്പെട്ടു. ആവിയില്‍ അബ്ദുള്ള-ആയിഷ ദമ്പതികളുടെ മകന്‍ നജീബാണ്(40) മരണപ്പെട്ടത്. കഴിഞ്ഞദിവസം ദേഹാസ്വാസ്ഥ്യത്തെതുടര്‍ന്ന് വീട്ടില്‍ കുഴഞ്ഞ് വീണ നജീബിനെ ഉടന്‍ തന്നെ ജില്ലാ ആശുപത്രിയിലെത്തിച്ചെങ്കിലും മരണപ്പെടുകയായിരുന്നു. പത്തുദിവസം മുമ്പാണ് നജീബ് ഗള്‍ഫില്‍നിന്നും നാട്ടിലെത്തിയത്. ഭാര്യ: ബല്‍ക്കീസ്. സഹോദരങ്ങള്‍: ജമീല, നജീന, ജസീല, സറീന.