Web Desk 
വെള്ളരിക്കുണ്ട്:ജോലി വാഗ്ദാനം ചെയ്ത് വെള്ളരിക്കുണ്ട് സ്വദേശിയിൽ നിന്നും 5 ലക്ഷം തട്ടിയ കേസിൽ പ്രതി അറസ്റ്റിൽ.
തമിഴ്നാട് കന്യാകുമാരി ജില്ലയിലെ മാർത്താണ്ഡം നിദ്രാവിള കാഞ്ഞാം പുറം കൈതാര വിള വീട്ടിൽ രവിയുടെ മകൻ ആർ സതീഷ് (40) നെയാണ് വെള്ളരിക്കുണ്ട് എസ്.ഐ രാജനും സംഘവും അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ
14 ദിവസത്തേക്ക് റിമാൻഡ് ചെയ്തു. പരപ്പ പന്നിത്തടം ചാനോത്ത് വീട്ടിൽ സുനിൽകുമാറിന്റെ പരാതിയിലാണ് ഇയാളെ അറസ്റ്റ് ചെയ്തത്. മറ്റൊരു കേസിൽ കോഴിക്കോട് പോലീസ് അറസ്റ്റ് ചെയ്ത് റിമാൻഡിൽ കഴിയുകയായിരുന്ന പ്രതിയെ പ്രൊഡക്ഷൻ വാറണ്ട് പ്രകാരം കസ്റ്റഡിയിത്ര വാങ്ങിയാണ് അറസ്റ്റ് രേഖപ്പെടുത്തിയത്
