Web Desk 
കാസർഗോഡ്: വെള്ളരിക്കുണ്ട് സെന്റ് ജൂഡ്സ് സ്കൂളിലെ എസ് പി സി കാഡറ്റിന്റെ രക്ഷിതാവ് സ്ക്കറിയ ഐസക്കിന്റെ കരൾമാറ്റ ശസ്ത്രക്രിയയുമായി ബന്ധപ്പെട്ട് എസ് പി സി കാഡറ്റുകൾ സ്വരൂപിച്ച 405270/- രൂപ കാസർഗോഡ് ജില്ലാ പോലീസ് ആസ്ഥാനത്ത് നടന്ന ചടങ്ങിൽ എസ് പി സി നോഡൽ ഓഫീസറും, അഡീഷണൽ എസ്. പി യുമായ പി.ബാലകൃഷ്ണൻ നായർ സെന്റ് ജൂഡ്സ് സ്ക്കൂൾ എസ് പി സി ചാർജ് വഹിക്കുന്ന ടീച്ചർ റാണി എം ജോസഫിന് കൈമാറി. ചടങ്ങിൽ എസ് പി സി ജില്ലാ കോർഡിനേറ്റർ സി. ഗോപീകൃഷ്ണൻ അധ്യക്ഷനായി. കോടത്ത് ഹയർ സെക്കന്ററി ഹെഡ് മാസ്റ്റർ അശോകൻ കെ, ചട്ടഞ്ചാൽ എസ് പി സി അധ്യാപകനായ ഹരികൃഷ്ണൻ. ഇ.ജെ , പോലീസ് ഉദ്യോഗസ്ഥരായ സരിത. സി.കെ, പ്രദീപൻ കോതോളി എന്നിവർ ആശംസകൾ അർപ്പിച്ച് സംസാരിച്ചു. ചടങ്ങിൽ പോലീസ് സർവീസിൽ നിന്നും അദ്ധ്യാപകനായി പോകുന്ന സിവിൽ പോലീസ് ഓഫീസർ എസ് പി സി
പ്രോജക്ട് അസിസ്റ്റൻ്റ് കെ അനൂപിന് യാത്രയയപ്പ് നൽകി എസ്.പി. സി അസ്സിസ്റ്റന്റ് നോഡൽ ഓഫീസ്സറും സബ് ഇൻസ്പെക്ടറുമായ ടി. തമ്പാൻ സ്വാഗതവും , ഡ്രിൽ ഇൻസ്ട്രക്ടർ ശൈലജ എം നന്ദിയും പറഞ്ഞു.
