വ്യാജ രേഖയുണ്ടാക്കി കെട്ടിടത്തിന് പെർമിറ്റ് നേടാൻ ശ്രമിച്ചതായി കേസ്

മറ്റൊരാളുടെ പെർമിറ്റ് ഉപയോഗിച്ച് വ്യാജ രേഖയുണ്ടാക്കി കെട്ടിടത്തിന് ലൈസൻസ് എടുക്കാൻ ശ്രമിച്ചതിന് കേസെടുത്തു. ബദിയടുക്ക പോലീസ് സ്റ്റേഷൻ പരിധിയിലെ കുറ്റിക്കോൽ ചിറ്റപ്പൻ കുണ്ടിലെ സുധീർകുമാറിനെതിരെയാണ് പോലീസ് കേസെടുത്തത്. കുറ്റിക്കോൽ വള്ളിവളപ്പിൽ കെ വിജയലക്ഷ്മിക്ക് ലഭിച്ച പെർമിറ്റിന്റെ ക്യു ആർ കോഡ് ഉപയോഗിച്ച് വ്യാജരേഖ ഉണ്ടാക്കി കെട്ടിടത്തിന് ലൈസൻസ് ഉണ്ടാക്കാൻ ശ്രമിച്ചു എന്ന കുറ്റിക്കോൽ പഞ്ചായത്ത് സെക്രട്ടറിയുടെ പരാതിയിലാണ് സുധീർ കുമാറിനെതിരെ കേസെടുത്തത്