Web Desk 
മദ്യലഹരിയില്‍ ഓടിച്ച കാർ പോലീസ് ജീപ്പിലിടിച്ച് ഡ്രൈവര്‍ക്ക് പരിക്കേറ്റു. പോലീസ് ഡ്രൈവര്‍ വടക്കേ തൃക്കരിപ്പൂര്‍ ആയിറ്റിയിലെ തോട്ടത്തില്‍ ഹൗസില്‍ അബ്ദുള്‍ലത്തീഫിന്‍റെ മകന്‍ ടി.പി.അബ്ദുള്‍റൗഫ്(38) നാണ് പരിക്കേറ്റത്. ഇന്നലെ 3.45 ഓടെ ദേശീയപാതയിൽ ഐങ്ങോത്ത് വെച്ച് കെഎല്‍ 01 ബിഎം 5429 നമ്പര്‍ പോലീസ് ജീപ്പില്‍ എതിര്‍ഭാഗത്തുനിന്നും അമിതവേഗതയില്‍ വന്ന കെഎല്‍ 56 ജി 3595 നമ്പര്‍ കാര്‍ ഇടിക്കുകയായിരുന്നു. ഇടിയുടെ ആഘാതത്തിലാണ് റൗഫിന് നിസാരപരിക്കേറ്റത്. മദ്യപിച്ച് കാര്‍ ഓടിച്ച കോഴിക്കോട് ചൊവ്വായൂര്‍ ഇല്ലത്ത് പഠിക്കല്‍ ഹൗസില്‍ ഇ.ബാബുവിന്‍റെ മകന്‍ ഇ.പ്രബിന്‍(34)നെതിരെ ഹോസ്ദുര്‍ഗ് പോലീസ് കേസെടുത്തു. വൈദ്യപരിശോധനയില്‍ ഇയാള്‍ മദ്യപിച്ചതായി കണ്ടെത്തി.
